یونیسێف هۆشداری دا کە بە هاتنی وەرزی زستان، دۆخی منداڵان لە کەرتی غەززە زۆر ناسکە و بەردەوامیی بەدخۆراکی دەتوانێت هەڕەشەیەکی جدی بۆ سەر ژیان و تەندروستییان دروست بکات.

بەپێی ڕاگەیاندنی یونیسێف، وەرزی سەرما دەبێتە هۆی زیادبوونی بڵاوبوونەوەی نەخۆشییەکان و بەرزبوونەوەی مەترسیی گیانلەدەستدان لەنێو ئەو منداڵانەی کە لاوازن.

یونیسێف جەختی کردەوە کە دوایین بەدواداچوونەکان دەریدەخەن کە لە مانگی ئۆکتۆبەردا نزیکەی ٩٣٢٠ منداڵی خوار تەمەن پێنج ساڵ لە غەززە تووشی بەدخۆراکیی توند بوونەتەوە.

یونیسێف داوای لە هەموو لایەنەکان کرد تا دەروازەکانی غەززە بکرێنەوە و هاوکارییە مرۆییەکان لە ڕێگەی هەموو ڕێڕەوەکانەوە بەدەست منداڵان و خێزانە لێقەوماوەکان بگات.(İLKHA)